یتھ سمسارس اسماں اوس
اپزے مپزے کیہتاں اوس
یہ چھیہ تیلہ کالچ کتھ ییلہ زن
دون زنگن پیٹھ انساں اوس
پر تہ گژھتھ اوس واتاں کن
گرہ تہ پنن ونئ راواں اوس
رگہ رگ پھیراں اوسس خون
خون خبر کیاہ آساں اوس
سینس منز کیہتامت دل
زیو روس شوگا بولاں اوس
تارکھ نب وچھہ ہے پھولہ ہے
اوند پوک ڈیشتھ وولساں اوس
امہ کھوتہ بڈ چھیہ یہ تعجب کتھ
روتلہ نندر تراواں اوس
یس وچھہ ہے تس وندہے لول
لول دپاں اکھ عرفاں اوس
عرفانک معنی چھہ نہ بود
شاید کانہہ ون حیواں اوس
یی چھہ تواریخن ہند لیکھ
یتھ تہ زمانا کرتاں اوس
اتھ سمسارس آخرکار
قسمت نوحہ سند طوفاں اوس
طوفاں یمئ پتمس دیت پھیش
ازئ کس لولہ للناواں اوس
سے طوفاں یمئ اسئ کرئ بود
یس اسہ شوٹھن زاگاں اوس
امین کامل -- اکھ مکمل ادیب 